Փաշինյանի՝ ՀՀԿ-ին աղբանոց ուղարկելու բանաձևը

Եթե ոչ մի քվե չտաք ՀՀԿ-ին, նա չի լինի խորհրդարանում. ես չեմ որոշում, դուք եք որոշում: Այս մասին Սպիտակ քաղաքի հրապարակում բնակիչների հետ հանդիպման ժամանակ հայտարարել է ՀՀ վարչապետի պաշտոնակատար, «Իմ քայլը» դաշինքի ցուցակը գլխավորող Նիկոլ Փաշինյանը:

«Ոչ մի ձայն ՀՀԿ-ին, ոչ մի ձայն, որովհետև չի կարելի ներել, որովհետև փորձը ցույց է տալիս, որ ինչքան փորձում ենք լարում չմտցնել, սիրո եւ համերաշխության մթնոլորտը մտցնել, ոմանք առիթավորվում են: Այս ընտրություններում կա շատ կոնկրետ առաքելություն, ՀՀԿ-ի թալանչի բրիգադը պետք է ուղարկվի պատմության աղբանոց: Նրանք ասում են՝ եթե մտահոգված ես ձայն տուր Հանրապետականին, ես էլ ասում եմ՝ եթե ազատ, արժանապատիվ քաղաքացի ես, ձայն չտաս ՀՀԿ-ականներին: Ես ասում եմ՝ ձայն չտաք այն ուժերին, որոնք փորձել են թեկուզ մի անգամ ընտրակաշառքով ընտրություն հաղթել, ոչ մի ձայն որեւէ ուժի, որը սպառնալիք է կիրառել ժողովրդի նկատմամբ, ոչ մի ձայն այն ուժին, որը մտածում է, որ Հայաստանում կարելի է բռնության ու զենքի ուժով հարցեր լուծել Հայաստանում: Սա էսօր իմ ամենամեծ շոկն է, որ այսօր ՀՀ-ում կա քաղաքացի, որ ասում է, թե վախենում է կոռումպացված ՀՀԿ-ական իշխանությունից»,-հայտարարել է Փաշինյանը:

Անդրադառնալով աղքատության խնդրին, նա ընդգծեց, որ վագոններից դուրս գալու ճանապարհը քայլ անելն է.

«Մի մնացեք վագոնների մեջ: Թավշյա հեղափոխությունը բացել է մտքի վագոնների դռները: Եվ մենք այսօր քվե ենք ակնկալում Հայաստանում տնտեսական հեղափոխություն իրականացնելու համար: Մենք աղքատության հաղթահարումը չենք պատկերացնում, որ գանք բրինձ ու փող բաժանենք, որովհետեւ այդ բրինձը պրծավ, հետո մարդն ինչ է անելու: մենք դա տեսնում ենք ներդրումների, աշխատանքի միջոցով: Ինձ քաղաքից քաղաք անցնելուց մոտենում են գործարարներ ու ասում են, որ պատրաստվում են ներդրումներ անել: Մենք պետք է այնպես անենք, որ դպրոցն ավարտող երեխան առնվազն 3 օտաեւ լեզու իմանա»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով